Алматы – Нұр-Сұлтан трассасында жол апаты боп, жүргізуші қаза тапты

Daewoo Gentra пен Mitsubishi Galant автокөліктері соғысқан. Алдын ала болжам бойынша, Daewoo Gentra Алматыға, Mitsubishi Galant елордаға бағыт алған. 

Белгісіз себептермен Daewoo Gentra жүргізушісі жолдың қарсы тарапына шығып кеткен. Galant жүргізушісі тежегішті басқанымен, тоқтап үлгере алмаған. 

Жол апаты салдарынан Daewoo Gentra автокөлігінің жүргізушісі қайтыс болды. 

Mitsubishi автокөлігінде жүргізушінің әйелі мен балалары болған. Барлығы да ауруханаға жеткізілді. 

Жол апатының салдарын полицейлер анықтап жатыр.