Жаңалықтар 29.04.2019 сағат 12:25

Алматыда Конституциядағы сөз жазылған баннерді ілген азамат 5 күнге қамалды

29 сәуірде Алматы қалалық мамандандырылған ауданаралық соты әл-Фараби даңғылы бойындағы жаяу жүргіншілер көпіріне Қазақстан Конституциясынан цитата ілген Роман Захаровты ұсақ бұзақылық бабымен 5 күнге қамады. Бұл туралы Захаровтың адвокаты Ерлан Ерболатұлы хабарлады.

Алматыда Конституциядағы сөз жазылған баннерді ілген азамат 5 күнге қамалды
Бөлісу
Бөлісу
Бөлісу

Адвокат «Үлгерсек Захаровқа шыққан шешім үстінен бүгін шағым түсіреміз» деді.

Әлеуметтік желідегі суреттерге қарағанда, Захаров ілген баннерде Конституцияның 3-бабы 1-тармағындағы «Мемлекеттік биліктің бірден-бір бастауы - халық» деген сөз жазылған.

Адвокат Ерболатұлының айтуынша, олар Захаровты қамау туралы сот қаулысын әлі алмаған.

Алматы қалалық сотының баспасөз хатшысы Диас Махамбетовтің Захаров 29 сәуірде таңғы 5.22-де ұсталған.

«Әкімшілік құқық бұзушылық кодексінің 434-бабы 1-тармағымен (қоғамдық орындарды ластау, оның iшiнде белгiленбеген орындарға коммуналдық қалдықтарды тастау) 5 тәулікке қамалды. Адам жүретін жерге пластик бау, скотч пен ақ мата түріндегі тұрмыстық қалдық тастаған», - деді Махамбетов.

Сот алдында жүрген Захаровтың достары «суретшіні полиция бөлімшесіне 9 сағат ұстады» деген. Қалалық сот «Бұл рас па?» деген сұраққа «Білмеймін» деп жауап берді.

Дереккөз: Азаттық

Оқи отырыңыз

загрузка...

Соңғы жаңалықтар

Қызықты материалдар