Тоқаев саяси ғалымдар көшбасшысы – профессор (ВИДЕО)

Дипломат ретінде ел дамуына үлес қосқан мемлекет басшысы Қасым-Жомарт Тоқаев бірнеше монография авторы. Ол теориялық жағдайды өзінің қызметімен ұштастыра білген ғалым. Бұл тұрғыда  профессор Әміржан Қайырұлы «Қазақстанның болашағы сыртқы саясаттың дұрыс қалыптасуымен тығыз байланысты. Демократиялық үдеріс, елдің тарихы, адам құқығы, сияқты мәселелер біздің сыртқы саяси іс-әрекетімізбен ұштасады. Сондықтан Тоқаев елдің сыртқы саясатының негізін дұрыс құра білген ғалымдар легінің көшбасшысы десем қателеспейміз» деген пікірді алға тартады. Ол мемлекет басшысының еңбектерін дәрістеріне 15 жылдан бері арқау етіп, студенттерге білім беріп жүрген ұстаз.