Алматыда «балалар және жануарлар порнодискілері» сатылып жатыр

Алматыда қарапайым дискілердің ішіне жасырылған порнофильмдер сатылып жатыр, деп жазады NUR.KZ.

Таралған қауесеттің рас-өтірігін журналистік зерттеу дәлелдеп шықты. Бастысы, сатушының сеніміне кіріп, дискілердің сұрау жолын тапсаң, 1000 теңгеге алуға болады екен. Тіпті, әртүрлі жанрларын да ұсынады. «Көк базар» деп аталып кеткен сауда орнында 2 дүңгіршектің осы іспен айналысып жүргені анықталды. Олар бұндай дискілерді үстел астына жасырып сатады екен.

Естеріңізге сала кетейік, ҚР аумағында порнографияға қатысты кез келген материал таратқан тұлға заң бойынша жауапқа тартылады.

Редакция осы мәселе бойынша Алматы қалалық полиция департаментіне шағымданды.