Бас прокуратура интернеттің бұғатталуына қатысты журналистердің сұрағына жауап берді

Өз сөзінде ол болып жатқан оқиғаларға қатысты толық талдау жасалып жатқанын айтты. Сондай-ақ, интернетті бұғаттау үшін төтенше жағдай жарияланбағанын атап өтті.

Қазақстанның Бас прокуратурасының қоғамдық мүдделерді қорғау қызметінің басшысы Сапарбек Нұрпейсіов елімізде интернет пен әлеуметтік желілердің бұғатталуына қатысты журналистердің сұрағына жауап берді, деп хабарлайды Stan.kz.

Қазақстанда Бас прокуратура, Ұлттық қауіпсіздік комитеті, Ішкі істер министрлігі мен Қорғаныс министрлігі табиғи, техногендік және әлеуметтік сипаттағы төтенше жағдайлар кезінде желілер мен байланыс құралдарын уақытша тоқтатуға құқылы.

«Интернеттің бұғатталуына қатысты айтсақ, иә, осындай қаулы бар. Төрт органға белгілі бір өкілеттілік беріледі. Алайда Бас прокуратураға келсек, ол міндетті түрде белгілі уәкілетті органға өтініш білдіреді. Оның қай орган екенін білесіздер. Осы күндері Бас прокуратура мұндай өтініш білдірген жоқ», - дедйі Нұрпейісов.