Қауіпсіз елдер тізімі жарияланды: Қазақстан 64-орында тұр

Global Peace Index әлемдегі ең қауіпсіз және ең қауіпті елдер тізімін жариялады, деп жазды massaget.kz.

Тізімде ең қауіпсіз ел – Исландия деп танылған. Ал, ең қауіпті ел – Ауғанстан. Осыған дейін ең қауіпті ел Сирия болатын. Енді Сирия бір орынға көтеріліп 162-орыннан көрінген.

Ең қауіпсіз елдер ондығына Исландиямен қатар Жаңа Зеландия, Португалия, Аустрия, Дания, Канада, Сингапур, Словения, Жапония және Чехия енген. Ал, ең қауіпті елдер ондығына Ауғанстаннан бөлек, Ресей, Конго Демократиялық Республикасы, Сомали, Ирак, Иемен, Оңтүстік Судан және Сирия енген. 

Қазақстан қауіпсіз елдер тізімінде 64-орында тұр. Орта Азия елдерінің ішінде Түркіменстан 115-орында, Тәжікстан 105-орында, Өзбекстан 102-орында және Қырғыстан 95-орында. 

Айта кетейік, Global Peace Index – 2007 жылдан бері Экономика және бейбітшілік институтының (ІЕР) әлеуметтанушылары мен экономистері жасайтын рейтинг.