$ 446.49 € 475.38 ₽ 4.79
Бірнеше күннен бері байланысқа шықпай жоғалған Әнуар Нұрпейісов табылды. Бұл туралы ол Instagram-парақшасында хабарлады.
Осы уақытқа дейін өз басының амандығы үшін барлық әлеуметтік желіден алыстап, Алматының тыныш жерінде аялдауына тура келген.
«Егер сіз осы жазбаны оқып отырсаңыз, менің әлеуметтік желідегі парақшаларыма қолымның енді жеткені. Өзімнің қауіпсіздігім үшін ұялы телефонымды тастап кетуге мәжбүр болдым. Сіздермен байланысқа шығу үшін көп тер төгілді.
Аллаға шүкір, аман-саумын. 5 маусым күні маған көмек қолын созған екі адам болмағанда, менің қазіргі жағдайым мүлде басқаша болатын еді. Туысқандарым да білмейтін қауіпсіз жерде жасырынудамын. Әзірге маған сіздермен байланыс орнату мүмкін болмай жатыр. Бизнес-серіктестерім, осы жағдайға байланысты сіздермен келіссөздер жүргізе алмаймын. Бар өміріміз алда. Күтуден басқа амалым болмай тұр.
Менің оқырмандарым, сіздерге басымды иіп, алғысымды білдіремін. Желіде жоғалғанымды байқап, іздеу салғандарыңызға рахмет. Сіздердің қолдауларыңызды сездім. Болашақ өміріме үмітпен қарадым, өйткені сіздер мені қиындықта тастамайсыздар. Менің өміріме кішкене болса да қауіп төнген жағдайда сіздер бірінші болып білесіздер» - деп жазды Әнуар.
