«Ақорда» «Елбасыға» еншісін берді

Елбасыға бүтін бір портал қызмет атқаратын болады

Фото: arasha.kz

Елбасы Нұрсұлтан Назарбаев 100 күннен кейін «Ақордадан» еншісін алып шықты. Яғни бұрын Назарбаевқа қатысты ақпараттар Ақорданың ресми сайтындағы парақшасында мемлекет басшысы Қасым-Жомарт Тоқаевқа қатысты материалдармен бірге тұрса, енді Тұңғыш Президентке бүтін бір портал қызмет атқаратын болады.

Бұл туралы Елбасының баспасөз хатшысы Айдос Үкібай Twitter-дегі парақшасында мәлімдеді.

«Достар, Тұңғыш Президенттің ресми интернет-ресурсы http://Elbasy.kz іске қосылды», – делінген жазбада.

Айта кетейік, күні кеше Айдос Үкібай жаңа сайт ашылатыны жайлы хабар таратқан болаитын.