Шымкент-Жібек жолы автожолында жол апаты орын алып, салдарынан 5 адам көз жұмды. Желіде апат орнында түсірілген видео пайда болды, деп хабарлайды Stan.kz Түркістан облыстық полиция департаментінің баспасөз қызметіне сілтеме жасап.
Жол апаты бүгін, 16 шілдеде, сағат 13:15 шамасында болған.
Желіде тараған видеода «КамАЗ» көлігіне соғылған шағын автобустың күл-талқаны шыққаны көрінеді.
Полиция мәліметінше, «Мерседес» шағын автобусы алдында келе жатқан «КамАЗ» көлігіне соғылған. Салдарынан оқиға орнында шағын автобустың 5 жолаушысы тіл тартпай кетті. Сонымен қатар «Мерседес» жүргізушісі мен тағы 6 жолаушы зардап шеккен. Олар түрлі жарақатпен ауруханаға жеткізілді.