156 қару тәркіленді: Оралда айналым ережесін бұзғандар әкімшілік жауапкершілікке тартылды

Батыс Қазақстан облысында айналым ережесін бұзғаны үшін 156 қару тәркіленді, деп хабарлайды ҚазАқпарат агенттігі. 

БҚО полиция департаментінің баспасөз қызметінен түскен мәліметке қарағанда, 10-14 шілде аралығында облыс аумағында «Қару» республикалық жедел алдын алу шарасы өткізілген. 

Шара кезінде бұрын ішкі істер органында тіркелмеген тегіс ұңғылы 4 мылтық пен бір оқ-дәрінің заңсыз сақталғаны анықталды. 

Қаруды сақтау, алып жүру, тасымалдау және қайта тіркеу ережесін бұзғаны үшін 139 адам әкімшілік жауапкершілікке тартылды. 

Бұрын тіркелгенімен, айналым ережесін бұзғаны үшін 156 қару тәркіленді.