$ 445.66 € 474.58 ₽ 4.78
Қазақстанның цифрлық даму, инновациялар және аэроғарыш өнеркәсібі министрлігінің баспасөз қызметі Нұр-Сұлтан тұрғындары кей интернет ресурстарға кіре алмауы ықтимал екенін айтты деп хабарлайды NUR.KZ.
Ведомство мұндай келеңсіздіктің себебін - кейбір мемлекеттік органдар Нұр-Сұлтанның байланыс операторларымен бірлесіп техникалық жұмыс жүргізіп жатыр деп түсіндірген.
Бұл шара мемлекеттік мекемелер мен жекеменшік компанияларды хакерлік шабуыл, интернет-алаяқтар мен киберқауіптен қорғамақ.
Сол себепті қала тұрғындары кей интернет ресурстарға кіре алмауы мүмкін.
«Жекелеген интернет-ресурстарға кіру мүмкін болмаған жағдайда, мобильді құрылғының (ұялы телефон, планшет) тіркеліп-тіркелмегенін тексеруді және қауіпсіздік сертификатын (байланыс операторларының сайтында орналастырылған) орнатуды ұсынамыз.
Сондай-ақ, өз байланыс операторыңыздың call-орталығына хабарласуыңызға болады. Уақытша қолайсыздықтар үшін кешірім сұраймыз», - деп жазылған хабарламада.
