Алматы-Өскемен тасжолында екі автокөлік соқтығысты. Оқиға орнынан видео Instagram-дағы kris_p_brothers_official парақшасында пайда болды деп хабарлайды KAZ.NUR.KZ.
Төтенше жағдай бүгін, 20 шілдеде болған. Жол-көлік апатына Volkswagen Transporter және Volkswagen Polo маркалы автокөліктер түсті.
Видеоны түсірген куәгердің пікірінше, соққыдан бір автокөліктің қозғалтқышы ұшып кетіпті.
Алматы облысының полиция департаментіне сілтеме жасаған Zakon.kz ЖКО-да бір адам қаза тапқанын хабарлады. Тағы екеуі түрлі жарақат алды.
Істің мән-жайын полиция анықтап жатыр.