Жаңалықтар 22.07.2019 сағат 14:16

Kaspi бұрынғы қызметкері туралы ақпарат берген азаматқа 10 миллион теңге табыстады

Бұл азаматтың есімі оның қауіпсіздігі мақсатында және тергеу мүддесі үшін жария етілмейді.
Kaspi бұрынғы қызметкері туралы ақпарат берген азаматқа 10 миллион теңге табыстады
Фото: Total.kz
Бөлісу
Бөлісу
Бөлісу

Kaspi-дің Қауіпсіздік қызметі Павлодар облыстық ІІД-мен бірлесіп, Kaspi-дің бұрынғы қызметкері, алаяқтық жасауда күдікті Руслан Сексембаевты тауып, тұтқынға алды. Жедел тергеу әрекеттерінің нәтижесінде күдікті 21 шілдеде Екібастұз қаласында ұсталған, деп хабарлайды банктің Instagram-парақшасы

Сексембаев кепілдегі жылжымайтын мүлікті төмен бағаға сатып алуға көмек көрсетем деп уәде берген. Ол азаматтардың сеніміне кіріп, алдау арқылы оларды өзінің жеке шотына қаражат аударуға көндіріп, артынан бой тасалаған.

Kaspi Сексембаевтың орналасқан жері туралы ақпарат берген азаматқа 10 миллион теңге мөлшерінде сыйақы төледі. Бұл азаматтың есімі оның қауіпсіздігі мақсатында және тергеу мүддесі үшін жария етілмейді.

«Тергеу аяқталғаннан кейін Сексембаев сот алдында жауап береді және біз ол заң жүзінде қатаң жазаға тартылады деп үміттенеміз. Kaspi құқық қорғау органдарымен бірлесіп, оның барлық сыбайластарын анықтау, клиенттердің мүдделерін қорғау мақсатында осы қылмыстың барлық мән-жайларын зерттеуді және тергеуді жалғастырады», - делінген жазбада.

Еске сала кетейік, бұған дейін Kaspi bank бұрынғы қызметкері туралы ақпарат берген адамға 10 млн теңге сыйақы ұсынғанын жазған болатынбыз. 

Оқи отырыңыз

загрузка...

Соңғы жаңалықтар

Қызықты материалдар