Оралда әйел тік жардан құлап кетті

Оралда әйел тік жардан құлап, аяғын сындырып алды, деп хабарлайды ҚазАқпарат.

БҚО ТЖ департаменті жедел құтқару жасағының бас құтқарушы-психологы Лейла Әбдірахманованың айтуынша, оқиға 20 шілде күні Жайық өзені жағалауында, Коминтерн кенті тұсында орын алды. 

1988 жылғы әйел суға шомылу кезінде тік жардан құлаған. Сол маңда кезекшілікте жүрген еріктілер құтқарушыларды шақырған. 

Оқиға орнына келген №1 жедел құтқару жасағының құтқарушылары биік жардың қасында жатқан әйелді көрген. Оған бару қиын болғандықтан әрі аяғы сынғандықтан, әйелді қайықпен тасымалдауға тура келген. Құтқарушы-медицина қызметкері Ақылбек Сайынов алғашқы жәрдем көрсетіп, қанды тоқтатқан. 

Содан кейін құтқарушылар әйелді жағаға алып шығып, жедел жәрдем бригадасына тапсырды. 

Еске сала кетейік, бұдан бұрын Оралда ер адамның шұңқырға құлап кеткенін жазған болатынбыз.