$ 444.22 € 476.38 ₽ 4.82
Кубаның Вилья-Клара провинциясында жолаушылар автобусы кенеттен жолға шыға келген жылқымен соқтығысып, кем дегенде 20 адам жарақаттанды. Бұл туралы Prensa Latina агенттігі хабарлады.
Зардап шеккендердің арасындағы екеуі – бала. Полиция оқиға орнында апат салдарын анықтау жұмыстарын жүргізіп жатыр.
Ресми мәліметке қарағанда, аралда күн сайын шамамен 31 жол-көлік оқиғасы болады. Ал апаттың басым бөлігі жүргізушілердің салғырттығынан, жылдамдықты шектен тыс асыруынан, жолдың нашарлығынан, сондай-ақ техниканың ескіруінен орын алады.
Куба жолдарында жүйткіп жүрген машиналардың көпшілігі көне, 50 жылдан асқан.
Дереккөз: ҚазАқпарат
