700 мың ресейлік Сібірде төтенше жағдай жариялау туралы петицияға қол қойды

700 мың Ресей азаматы Сібірде төтенше жағдай жариялау туралы петицияға қол қойды, деп хабарлайды 24.kz.

Мұндағы алапат орман өрті 11 аймаққа тараған. Тек екеуінде ғана ресми түрде төтенше жағдай жарияланды. Тілсіз жаудың салдарынан атмосферада көк түтін жайлады. Осыған байланысты халық үкіметтен төтенше жағдайды енгізуді талап етіп отыр. 

Шілденің 30-ы күні жарияланған петицияны бір күннің ішінде мыңдаған адам қолдады.