Айырбастау пунктерінде валюталық операция жасайтын азаматтардың жеке мәліметтері тіркеледі

Ұлттық банк валюта айырбастау пункттеріне валюталық операциялар кезінде қазақстандықтардың жеке мәліметтерін тіркеуді міндеттейді, деп хабарлайды Stan.kz.

Осы мақсатта 51-тармаққа мынадай түзетулер жазылмақ:

«Әрбір айырбастау операциясы үшін тіркеу журналында келесі ақпарат жазылады: клиенттің жеке басын куәландыратын құжаттың деректемелері (тегі, аты және әкесінің аты (болған жағдайда) (аты, әкесінің аты толық көрсетілген), құжаттың түрі, шығарылған күні, құжат нөмірі, қолданылу мерзімі); клиенттің жеке сәйкестендіру нөмірі (бар болса); клиенттің заңды мекен-жайы.

Автоматтандырылған айырбастау пункті үшін бір рет жүргізілген айырбастау операциясының сомасы 500 000  баламасынан аспауы керек.

Бұған дейін Ұлттық банк айырбастау пункттерінің жұмыс уақытын таңғы 10-нан кешкі 19-ға дейін шектемекші болғандығы туралы хабарланды.