Алматыда бір күн бұрын жоғалып кеткен отбасы табылды. Бұл туралы қалалық полиция департаментінің баспасөз қызметі хабарлады, деп жазды inAlmaty.kz-ге сілтеме жасаған Sputniknews.kz.
Ведомствоның мәліметінше, жоғалған отбасының жағдайы жақсы.
«Отбасы туыстарымен байланысқа шықты. Олардың жағдайы жақсы. Кейінірек толық ақпарат береміз», - деді Алматы қалалық Полиция департаментінің ресми өкілі Салтанат Әзірбек.
Естеріңізге сала кетейік, бұдан бұрын ерлі-зайыпты – Андрей және Наталья Чурилиндердің жоғалып кеткенін хабарлаған болатынбыз. Олардың кәмелетке толмаған үш баласы өздерімен бірге болған.
Айта кетерлігі, отбасының барлық мүшесі мылқау, бір-бірімен тек ым арқылы сөйлеседі.