Жаңалықтар 09.08.2019 сағат 18:00

Тоқаев АҚШ конгрессмендерін қабылдады

«Елдеріміздің өзара табысты іс-қимылдарының маңызды бағыты қарусыздану және ядролық қаруды таратпау саласы болып табылады», – деді Мемлекет басшысы.
Тоқаев АҚШ конгрессмендерін қабылдады
Фото: Ақорданың баспасөз қызметі
Бөлісу
Бөлісу
Бөлісу

Қазақстан Президенті Қасым-Жомарт Тоқаев АҚШ Конгресі өкілдері палатасының мүшелері Девин Нуньес пен Рик Кроуфордты қабылдады, деп хабарлайды Sn.kz ақпараттық порталы Ақорданың баспасөз қызметіне сілтеме жасап. 

Кездесу барысында екі ел арасындағы стратегиялық серіктестікті кеңейту мәселелері, сондай-ақ, өңірдің күн тәртібіндегі өзекті тақырыптар талқыланды.

«АҚШ – Қазақстанның тәуелсіздігін мойындаған алғашқы мемлекеттердің бірі. Біз сауда-экономикалық, инвестициялық және энергетикалық салаларда тығыз ынтымақтастық орнаттық. Елдеріміздің өзара табысты іс-қимылдарының маңызды бағыты қарусыздану және ядролық қаруды таратпау саласы болып табылады», – деді Мемлекет басшысы.  

Америкалық конгрессмендер Қ.Тоқаевты президенттік сайлаудағы жеңісімен құттықтап, көздеген реформаларының табысты жүзеге асуына тілектестік білдірді.

Конгрессмендер Қазақстанның Орталық Азиядағы бейбітшілікті, тұрақтылықты және қауіпсіздікті нығайтудағы рөліне жоғары баға беріп, Ауғанстанның әлеуметтік-экономикалық жағдайын қайта қалпына келтіру ісіндегі бірлескен іс-қимылдардың маңыздылығына баса назар аударды.

Оқи отырыңыз

загрузка...

Соңғы жаңалықтар

Қызықты материалдар