«Бала ғой, ұялсайшы»: 16 жастағы қызды «алып қашам» деген Ауыпбаев жұрттан сөз естіп қалды

«Меломен» тобының бұрынғы әншісі Жігер Ауыпбаев  İnstagram әлеуметтік желісіндегі парақшасына 16 жастағы қызбен түскен суретін жүктеп, сынға қалды.

Әнші фото астына жасөспірімге деген көңілі барын жазған.

«Сен менің Королевамсың, Мен сенің Королің болам десем, «Ағай,ағай» дей береді. Қарындас қалай,қалай,қалай? Қойсаңшы күнім «ағайламай» Ағаң боп жүріп сүйіп қалдым. Мен абайламай десем сынбай жатыр. Алып қашайын ба? Жасы 16 да», - деп жазды ол.

Желі қолданушылары оның әйелі барын алға тартып, кішкентай қызға қырындағанын жақтырмай жатыр.

«16 жас деген әлі бала ғой. Ұялмайсың ба?», «Үйлі-баранды адам емессіз бе, не мына тірлігіңіз?», - деп жазды олар.