Қызылордада көшеде жоғалып кеткен 3 жастағы сәби аман-есен табылды

Нәтижесінде сәбидің көп қабатты үйдің біріндегі пәтерде тұратыны анықталды.

Қызылордада көшеде жоғалып кеткен 3 жастағы сәби аман-есен табылды, деп хабарлайды ҚазАқпарат.

Қызылорда қалалық полиция басқармасы кезекші бөліміне Ғани Мұратбаев көшесі бойындағы дүкен жанынан 3 жастағы сәбидің табылғаны жөнінде хабар келіп түсті.

Ювеналды полиция аға учаскелік инспекторы Самат Исаевтың айтуынша, жақын маңдағы көп қабатты және жеке тұрғын үйлердің тұрғындарынан сұрастыру жұмыстарын жүргізілді.

Нәтижесінде сәбидің көп қабатты үйдің біріндегі пәтерде тұратыны анықталды.

«Сәби әжесімен бірге дүкенге шыққан екен. Сол сәтте әжесі одан көз жазып қалған. Ес білмейтін жастағы сәби келесі көше бойынан табылған. Ата-анасымен профилактикалық әңгіме өткізілді», - деді Самат Исаев.