Жаңалықтар 04.09.2019 сағат 16:45

Алматыда полицейлер қаққан әйел ауыр жағдайда ауруханада жатыр

Бүгін Алматыда полиция көлігі 71 жастағы әйелді қағып кетті.
Алматыда полицейлер қаққан әйел ауыр жағдайда ауруханада жатыр
Бөлісу
Бөлісу
Бөлісу

Алматыда полицейлер қағып кеткен әйел жансақтау бөлімінде жатыр, - деп хабарлайды Tengrinews.kz агенттігі қоғамдық денсаулық сақтау басқармасы баспасөз қызметіне сілтеме жасап. 

Бүгін Алматыда полиция көлігі 71 жастағы әйелді қағып кетті. Жол-көлік оқиғасы Брусиловский көшесінің бойында, "Тастақ" базарына жақын маңда болды. 

"Науқасты жедел жәрдем бригадасы жедел жәрдем ауруханасына жеткізді. Қазіргі уақытта науқас жансақтау бөлімінде жатыр. Диагнозы: жабық бас сүйек-ми жарақаты, миы шайқалған, басынан қатты соққы алған, сол жақ иығы мен тірсегі сынған. Жағдайы ауыр", - деді дәрігерлер. 

Куәгерлердің айтуынша, рұқсат етілмеген жерден өтіп бара жатқан егде жастағы әйел апат салдарынан зардап шекті. Ол әр түрлі дене жарақатын алған. Зардап шеккен әйелді жедел жәрдем алып кетті.

Оқи отырыңыз

загрузка...

Соңғы жаңалықтар

Қызықты материалдар