Алматыда Барахолкадағы қоймалар әлі де әлсіз жанып жатыр, - деп хабарлайды Tengrinews.kz агенттігі.
Желіде видео пайда болды, онда автор "Барахолка әлі жанып жатыр" деп мәлімдеген.
Алматы қаласы Төтенше жағдайлар департаментіндегілер ақпаратты растады.
"Солтүстік айналым, 30б мекенжайы бойынша түнгі уақытта 4 арнайы техника, Алматы ТЖД жеке құрамының 30 адам қарауылдауға қалған. Қазір бықсыған ошақтарды төгу және конструкциялар мен материалдарды жинау жұмыстары жүріп жатыр. Жағдай бақылауда", - деді Алматы қаласы ТЖ Департаментінің баспасөз қызметі өкілі.
Еске салсақ, Барахолкадағы қоймаларда өрт 6 қыркүйекте болды.