Тимур Энеев қайтыс болды: оның көмегімен Гагарин ғарышқа ұшқан

Ғарыш саласындағы еңбектердің авторы, РҒА (Ресей ғылым академиясы) академигі Тимур Энеев 95 жасында 8 қыркүйекте қайтыс болды. Оның есептері мен сызбалары 1961 жылы Юрий Гагаринді ғарышқа ұшыру кезінде қолданылған, - деп хабарлайды РИА Новости-ге сілтеме жасаған Tengrinews.kz. 

1950 жылдары Энеев көпсатылы зымыранның бағдарын басқару мәселесімен айналысты. Оның бұл еңбектері 1957 жылы Жердің алғашқы жасанды спутнигін ұшыруға пайдасын тигізді. Ғалым атмосфераның жоғарғы қабаттарында ұшу кезінде жер серіктің орбитасын өзгерту әдістерін әзірледі. Ол ғарыш аппаратының баллистикалық түсіру кезінде артық жүк пен жоғары температура ғарышкердің өміріне қауіп төндірмейтінін көрсетті. Осы жаңалық ғарышқа бірінші адамды ұшыру кезінде ескерілді. 

Сондай-ақ, Энеев планетааралық аппараттарды екпіндеу схемасын әзірледі, онда олар уақытша Жердің жасанды серігі болады. 2007 жылы Энеев мектептерде дінді оқытып, діншілдік бойынша ғылыми дәрежелерін тану ұсынысын жасаған еді.