$ 446.49 € 475.38 ₽ 4.79
Солтүстік Қазақстанда шығатын "Игілікті іс" (орысшасы "Хорошее дело" - ред.) газетінің журналисі Сергей Петренконың Қостанай облысы Рудный қаласындағы пәтерінде мәйіті табылды. "Біздің Қостанай" сайты "алдын ала ақпарат бойынша, Петренконың жүрегі тоқтап қалған" деп жазады.
"Наша газета" сайты Петренконың туыстарына сілтеп, журналистің кеше, 11 қыркүйекте қоңырауларға жауап бермегенін жазады. Туыстары оны таңертең кілттенген пәтерінен тапқан.
Биыл қаңтарда 42 жасқа толған Петренко мектеп бітірген соң кеніште істеп, кейіннен "Рудный жұмысшысы" газетінде тілші болған. Соңғы жылдары "Игілікті іс" газетінде істеген.
Дереккөз: Азаттық
