Жаңалықтар 09.10.2019 сағат 18:00

Иракта аналары өмір бойы бас бостандығынан айырылған қазақстандық балалар елге қайтарылады (ВИДЕО)

Ведомство өкілдерінің айтуынша, Ирак билігі балаларды беруге дайын.
Бөлісу
Бөлісу
Бөлісу

Еліміздің Сыртқы істер министрлігі Ирактағы жетімдер үйінінен 14 қазақстандық баланы елге қайтаруды жоспарлап отыр, деп хабарлайды «Хабар 24». 

Олардың үлкені 10-да, ал ең кішісі 2 жаста ғана. Бұл туралы елордада өткен Еуропадағы қауіпсіздік және ынтымақтастық ұйымының Ауғанстан бойынша жиынында айтылды. Ведомство өкілдерінің айтуынша, Ирак билігі балаларды беруге дайын. Сонымен қатар, балалардың аналары сол жақта террористік іс-әрекетке қатысқаны үшін өмір бойы бас бостандығынан айырылған. Ирак тарапымен осы 6 әйелді де елге әкелу бойынша келіссөздер жүргізіліп жатыр. 

Естеріңізге сала кетейік, «Жусан» операциясының 4-кезеңінде 600 қазақстандық, оның ішінде 400 бала Қазақстанға жеткізілген болатын. 

Станислав Василенко, ҚР СІМ ерекше тапсырмалар жөніндегі елшісі: 

«Қазақстан осындай гуманитарлық акцияларды жүргізіп жатқан әлемдегі санаулы мемлекеттердің бірі. Ал, Ауғанстандағы саяси жағдай мен экономиканы тұрақтандыруға көмек көрсетуге әлем болып жұмылу қажет. Біздің тарап та бұл жағынан нақты қадамдар жасап жатыр. Бүгінгі шараға Еуропадағы қауіпсіздік және ынтымақтастық ұйымының 25 елшісі келіп, өз ой-пікірімен бөлісіп жатыр».


 

Оқи отырыңыз

загрузка...

Соңғы жаңалықтар

Қызықты материалдар