Жаңалықтар 10.10.2019 сағат 22:46

Нұр-Сұлтанда 3 бала терезеден құлап кетті

Комитет ата-аналарды балаларын үйде жалғыз қалдырмауға шақырады.
Нұр-Сұлтанда 3 бала терезеден құлап кетті
Бөлісу
Бөлісу
Бөлісу

Елордада бір күнде үш бала терезеден құлап кетті, деп хабарлайды ҚазАқпарат Төтенше жағдайлар комитетінің баспасөз қызметіне сілтеме жасап. 

«Сағат 11.32-де Байқоңыр ауданы Күлтөбе бұрылысындағы бес қабатты үйдің үшінші қабатының терезесінен үйде қараусыз қалған бала құлап кетті. 2017 жылы туған бала қазір ауруханада ауыр халде жатыр. Сол секілді сағат 12.39-да Сарыарқа ауданы Жеңіс көшесіндегі үйдің төртінші қабатындағы терезесінен 2015 жылы туған бала құлап, ауруханаға жеткізілді. Оның да жағдайы ауыр», - деп хабарлайды комитеттен. 

Сонымен бірге, сағат 16.01-де Алматы ауданы Мүсірепов көшесінде бесінші қабаттың терезесінен үйде қараусыз қалған қыз бала құлап кеткен. 6 жасар бала ауруханада ауыр халде жатыр. 

Төтенше жағдайлар комитеті мұндай қауіпті жағдайлар балалардың қараусыз қалуы салдарынан орын алатынын хабарлайды. Комитет ата-аналарды балаларын үйде жалғыз қалдырмауға шақырады.

Оқи отырыңыз

загрузка...

Соңғы жаңалықтар

Қызықты материалдар