Жаңалықтар 20.10.2019 сағат 15:30

Өскемендік тұрғын 35 келі салмақпен бодибилдинг жаттықтырушысы атанды

Студент кезімде қатты ауырдым. Дәрігерлер мұның себебін анықтай алмады.
Өскемендік тұрғын 35 келі салмақпен бодибилдинг жаттықтырушысы атанды
фото: yk-news.kz
Бөлісу
Бөлісу
Бөлісу

Өскемен тұрғыны 35 келі салмақпен бодибилдинг жаттықтырушысы бола алатынын дәлелделі, деп хабарлайды Stan.kz - yk-news.kz сайтына сілтеме жасап.

Басылымның хабарлауынша, Лариса Куимова осы уақытқа дейін салмақ қоса алмай келіпті. Тамақ жесе де, салауатты өмір салтын ұстанғанымен де салмағын арттыра алмаған. Бірақ, Лариса 38 жасында спортпен айналыса бастайды. 

«Мен бұрын арық болғанмын. Студент кезімде қатты ауырдым. Солай салмағымды жоғалта бастадым. Дәрігерлер мұның себебін анықтай алмады. Тіпті, мені көрген олар да шошып кетті. 40 келі салмақтан 35-ке дейін түсіп кеттім. Бұл өте қорқынышты болды», - дейді Лариса. 

Ол ресейлік бодибилдер семинарына қатысқаннан кейін бодибилдинг жаттықтырушысы болуды шешкен. Сөйтіп Мәскеудегі бодибилдинг жоғары мектебіне жаттықтырушы біліктілігін алуға өтініш білдіріпті. Қашықтықтан оқудан өтіп, барлық тапсырмаларды орындап, бейнероликке түсіріп, Мәскеуге жіберіп отырған. Үш айдан кейін ол жаттықтырушы сертификатын алыпты.

Лариса Куимова жарты жылдан бері бодибилдинг жаттықтырушысы болып істейді. Қазір оның салмағы - 48 келі екен. Ол қазіргі келбетіне риза екенін айтады.

Ларисаның күнделікті тамағы - ботқа, жұмыртқа, түскі асқа міндетті түрде ет кіреді екен. 
 

Оқи отырыңыз

загрузка...

Соңғы жаңалықтар

Қызықты материалдар