Бүгін ауа райының қолайсыздығына байланысты Ақтөбе мен Қарағанды облыстарында бірқатар жолдар жабылды деп хабарлайды "ҚазАвтожол".
Атап айтқанда, Ақтөбе облысы «Қандыағаш-Ембі-Шалқар-Ырғыз» тас жолының 92-258 шақырымдары аралығында, яғни Ембі қаласынан Шалқар қаласына дейінгі аралықта көліктің барлық түрінің қозғалысына шектеу қойылған.
Сағат 16:20-да Қарағанды облысындағы «Қызылорда-Павлодар» тас жолының 433-749 шақырымы (Жезқазғаннан Атасу ауылына дейінгі бөлік) қоғамдық көліктер үшін, 17:30-да «Жезқазған-Есіл-Петропавл» тас жолының 24-252 шақырымы (Сәтпаев қаласынан Қостанай облысының шекарасына дейінгі жол) көліктердің барлық түрі үшін жабылды.