Қазалы ауданыны Әйтеке би кентіндегі құрылыс нысанында 2 ер адам қайтыс болды. Бұл туралы аудан әкімінің баспасөз қызметі мәлімдеді.
Ресми емес ақпаттарға сүйенсек, оқиға шамамен сағат 17:00-де болған.
"Бүгін Әйтеке би кентінде жаңадан салынып жатқан құрылыс нысанында оқыс оқиға орын алып, екі азамат қайтыс болды.
Оқиғаға байланысты азаматтардың ата-анасы мен бауырларына, туған-туысқандарына қайғырып көңіл айтамыз.
Оқиға орнында аудандық полиция бөлімі қызметкерлерімен тергеп-тексеру амалдары жүргізілуде", - делінген Қазалы ауданы әкімінің баспасөз қызметі Facebook-парақшасындағы хабарламасында.