Жаңалықтар 05.11.2019 сағат 10:15

Назарбаев Түркістан облысына сапары барысында өңір тұрғындарымен кездесті

Қазақстанның экс-президенті бүкіл қала бойынша жүріп жатқан құрылыс қарқынының жоғары екенін атап өтті.
Назарбаев Түркістан облысына сапары барысында өңір тұрғындарымен кездесті
Бөлісу
Бөлісу
Бөлісу

Экс-президент Нұрсұлтан Назарбаев Түркістан облысына сапары барысында өңір тұрғындарымен кездесті, деп хабарлады Елбасының баспасөз қызметі.   

Сөз барысында Нұрсұлтан Назарбаев облыс орталығын Түркістан қаласына көшіру туралы шешімінің тарихи маңызына тоқталды.

"Тәуелсіздік алғаннан соң Түркістанды астана ретінде қарастырдым. Бірақ, өздеріңіз білетіндей, жағдай бұған жол бермеді. Бүгін бұл қала облыс орталығына айналды, шаһарды жандандыру жұмыстары жүргізілуде. Түркістан – түркі әлемінің бесігі. Бауырлас түркі мемлекеттері де бізге көмектеседі деп сенемін", - деді Елбасы.

Қазақстанның экс-президенті бүкіл қала бойынша жүріп жатқан құрылыс қарқынының жоғары екенін атап өтті.

"Бірінші кезеңде 175 нысанның құрылысы жоспарланған. Оның 102-cі биыл іске қосылады. Бұл процеске еліміздің барлық өңірі қатысып жатыр", - деді Нұрсұлтан Назарбаев.

Елбасы облыс орталығының құрылысы мен жандануына атсалысып жатқан барша жұртқа алғысын білдірді.

"Барлық жоспарланған нысанның құрылысы аяқталғаннан кейін біз туристердің көбеюін күтеміз. Сонымен қатар, қосымша жұмыс орындары ашылады. Мұның бәрі біздің халқымыздың өмір сүру деңгейіне оң әсер етеді", - деп түйіндеді ол сөзін.

Оқи отырыңыз

загрузка...

Соңғы жаңалықтар

Қызықты материалдар