Астана және Алматы әуежайларында 28 рейс ұшырылымы тоқтатылып, тағы 3-еуі кейінге қалдырылды, деп хабарлайды 24.kz
Алматы әуежайының сайтындағы онлайн кестеге сәйкес, Қарағанды, Атырау, Ақтау, Шымкент, Қостанай, Павлодар, Ақтөбе, сондай-ақ Франкрутке және Үрімшіге халықаралық рейстер тоқтатылды. Семей қаласына ұшатын рейс бір сағатқа кейінге қалдырылды. Сондай-ақ Франкруттан, Өскеменнен, Қарағандыдан, Оралдан, Шымкенттен, Ақтаудан, Қостанайдан, Үрімшіден және Павлодардан ұшып келу рейстері кейінге шегерілді. Астана әуежайында Атырау, Ақтау және Орал бағыттары бойынша және Ақтөбе, Атырау және Оралдан ұшып келу рейстері тоқтатылды. Сондай-ақ Мәскеуден келетін рейс 3 сағатқа және Алматыдан келетін рейс 25 минутқа кешіктірілуде.