Заң 15.11.2019 сағат 14:45

Кодтық сөздер арқылы есірткі жарнамалағандар қолға түсті

Синтетикалық есірткіні тарататын өзге де тұлғаларды анықтау бойынша іздестіру жұмыстары жалғасуда.
Кодтық сөздер арқылы есірткі жарнамалағандар қолға түсті
фото: tengrinews.kz
Бөлісу
Бөлісу
Бөлісу

Таразда граффити-жазуларының авторы ұсталды, - деп хабарлайды Tengrinews.kz, Жамбыл облысы Полиция департаментінің баспасөз қызметіне сілтеме жасап. 

Полицейлердің мәліметінше, биыл 12 қарашада "Рефлекс-2019" жедел-алдын алу іс-шарасы барысында Жамбыл облысы Полиция департаментінің Есірткі қылмысына қарсы іс-қимыл басқармасы мен Тараз қаласы Полиция басқармасының 1-ПБ ЖПҚ қызметкерлері бірлесіп, синтетикалық есірткі құралдарын тарататын азаматтарды анықтау бойынша жедел-іздестіру жұмыстарын жүргізді. Іс-шара барысында үй қабырғаларына тыйым салынған граффити-жазуларды жазған 30 жастағы Тараз қаласының тұрғыны ұсталды. 

"Күдікті кінәсін мойындап, жауапкершілікке тартылды. Синтетикалық есірткіні тарататын өзге де тұлғаларды анықтау бойынша іздестіру жұмыстары жалғасуда. Сонымен қатар, үйлердің қабырғалары мен қоршаулардың сыртынан есірткінің таралуына қатысты кодтық сөздері бар 800-ге жуық граффити-жазулар алынып тасталды", - делінген полицейлердің хабарламасында. Сондай-ақ, синтетикалық есірткіні насихаттайтын интернет-сайттардың бұғатталғаны айтылады.

Оқи отырыңыз

загрузка...

Соңғы жаңалықтар

Қызықты материалдар