«Аллаһу акбар»: Қару-жарақтарын көрсеткен нұрсұлтандық жігіттердің видеосы тарап кетті (ВИДЕО)

Әлеуметтік желілердің бірінде қаруланған жігіттердің видеосы жұртты дүрліктірді, деп хабарлайды Stan.kz ақпарат агенттігі. 

Видеода қолына екі бірдей қару ұстаған жас жігіт "Астана біздікі, Аллаһу әкбар" деп күліп отыр. Көлікте қару-жарақтың бірнеше түрі жатқанын байқауға болады. Оның ішінде автомат та бар.

Елорда полициясы әлеуметтік желіде тараған видеоны тексеріп жатыр, тексеріс нәтижесі қосымша хабарланады. 

Видео жазба инстаграмдағы белсенді топтардың бірі astana_sergek парақшасында жарияланған.

Бұдан бөлек, рөлде отырған ер адамның былапыт сөздері де естіледі.

Нұр-Сұлтан қаласының полиция департаменті қазір тексеріс жүргізіп жатыр.