Бүгін еліміздің басым бөлігінде тұрақсыз ауа райы сақталады
Қазақстан өңірлерінің басым бөлігінде атмосфералық ағындардың өтуіне байланысты тұрақсыз ауа-райы сақталады, кей жерлерде аздаған қар, оңтүстік және оңтүстік-шығыста жауын-шашын болады, деп хабарлайды Қазгидромет.
Кей өңірлерде бұрқасын, тұман, көктайғақ және желдің күшеюі күтіледі.
Жамбыл, Оңтүстік Қазақстан облыстарының кей жерлерінде тұман, көктайғақ, желдің жылдамдығы 15-20 м/с.-ге жетеді.
Шығыс Қазақстан облысының кей жерлерінде жел тұрып, бұрқасын болады, желдің екпіні -15-20 м/с. Маңғыстау облысының кей жерлерінде көктайғақ, жел 15-20 м/с күшейеді.
Солтүстік Қазақстан, Павлодар, Қостанай, Батыс Қазақстан, Қызылорда облыстарының кей жерлерінде тұман түсуі ықтимал.
Алматы облысының кей жерлерінде тұман, көктайғақ болып, Жалаңашкөл ауданында жел 18-23 м/с күшейеді.
Атырау облысының кей жерлерінде тұман, көктайғақ, күндіз желдің күші 15-20 м/с күшеюі күтіледі. Қарағанды облысының кей жерлерінде тұман түсіп, бұрқасын болады.
Сіздің реакцияңыз?
Серіктес жаңалықтары
