Жаңалықтар 03.12.2019 сағат 11:00

Ақтық сында бір команданың екі каратэшісі бір-бірімен төбелесуден бас тартты

Негізгі уақыттың аяқталуында қарсыластар бір ұпайдан еншілеген.
Ақтық сында бір команданың екі каратэшісі бір-бірімен төбелесуден бас тартты
Бөлісу
Бөлісу
Бөлісу

 Испания астанасы Мадридте каратэден Премьер-лига турнирінің биылғы маусымдағы ең соңғы кезеңі өтті. Жасталап Санауов жаттықтыратын Қазақстан командасы турнирден үш алтын жеңіп алды деп хабарлайды Olympic.kz.  

60 келі салмақта финалдық кездесу қазақстандықтар Дархан Асаділов пен Қайсар Алпысбай арасында өтуі тиіс болатын. Алайда, Қайсар командаласы Дарханға қарсы шығудан бас тартып, олимпиадалық рейтингте көш бастап келе жатқан Асаділов алтын жүлдегер атанды.

 Айта кетелік, бұл салмақта екі қазақстандық спортшы екінші рет финалға шығып отыр.  75 келі салмақта сынға түскен Ермек Айназаров Премьер-лига турнирінің финалында франциялық Да Коста Логаннан басым түсті.

 Негізгі уақыттың аяқталуында қарсыластар бір-бір ұпайдан еншілеген. Соңғы шешімді төрешілер айтып, белсенді қимылдаған қазақстандық спортшыны жеңімпаз деп таныды. 84 келіде ақтық сынға жолдама алған Данияр Юлдашев тәжірибелі түркиялық каратеші Угур Актасқа есе жіберді. Даниярдың еншісінде күміс жүлде бар. 

 Қыздар арасындағы жалғыз жүлдені аса ауыр салмақта сынға түскен Софья Берульцева жеңіп алды. Софья финалда грекиялық спортшы, әлем чемпионы Елени Чатзилиададан басым түсті.  Осылайша, қазақстандық каратэшілер жылдың қорытынды турнирін жарқын жеңіспен аяқтады. 

Оқи отырыңыз

загрузка...

Соңғы жаңалықтар

Қызықты материалдар