Жаңалықтар 06.12.2019 сағат 12:45

Нұр-Сұлтанда жазушы Әбіш Кекілбайұлының атына көше берілді

Көше елорданың сол жағалауындағы ЭКСПО аумағына жақын маңда орналасқан. Мәңгілік ел көшесімен қиылысады.
Нұр-Сұлтанда жазушы Әбіш Кекілбайұлының атына көше берілді
Бөлісу
Бөлісу
Бөлісу

Бүгін Нұр-Сұлтан қаласында Қазақстанның халық жазушысы, мемлекет және қоғам қайраткері Әбіш Кекілбайұлының атына көше берілді.

Тірісінде-ақ «абыз Әбіш» атанған заңғар жазушы Әбіш Кекілбайұлының бүгін туған күні. Қазақстанның халық жазушысы, мемлекет және қоғам қайраткері тірі болғанда, бүгін 80 жасқа толар еді.
Жаңа көшенің ашылуына абыз жазушының аяулы жары Клара Жұмабаева, Мемлекеттік хатшы Қырымбек Көшербаев, Нұр-Сұлтан қаласының әкімі Алтай Көлгінов, академик, ғалым Кенжеғали Сағадиев, Парламент Мәжілісінің депутаты Қуаныш Сұлтанов қатысты.

«Қазақтың осындай біртуар, абыз азаматы болғанға шүкір етуіміз керек. Осы көшенің бойынан өткен өскелең ұрпақ Әбіш Кекілбайұлының кім екенін, Нұр-Сұлтан қаласының не үшін салынғанын ескеріп, тәуелсіздігіміздің баянды болуына өз үлесін қосады деп ойлаймын», - деді Мемлекеттік хатшы Қырымбек Көшербаев.

Көше елорданың сол жағалауындағы ЭКСПО аумағына жақын маңда орналасқан. Мәңгілік ел көшесімен қиылысады.

«Бұл – мемлекетіміздің мәдениет қайраткерлеріне, біздің жазушыларға, қазақ елінің бірлігін, ынтымағын көтеріп жүрген азаматтарға үлкен құрмет. Әбіш ағаның ұрпағы жасай берсін! Бәріңізге береке-бірлік тілейміз! Тәуелсіздігіміздің тұғыры берік болсын!», - деді Нұр-Сұлтан қаласының әкімі Алтай Көлгінов.

Айта кетсек, Әбіш Кекілбайұлы 1939 жылы 6 желтоқсан күні Маңғыстау облысы Маңғыстау ауданы (бұрыңғы Гурьев облысы) Оңды ауылының Мырзайыр деген жерінде туған. 

Әбіш Кекілбайұлы 2015 жылы желтоқсанда өмірден озды.

 Дереккөз: Азаттық рухы

Оқи отырыңыз

загрузка...

Соңғы жаңалықтар

Қызықты материалдар