Баландин АҚШ-та «алтын» жеңіп алды

4 желтоқсанда АҚШ-тың Атланда қаласында жүзуден ашық чемпионат болып өтті. Турнирде жүзу спорты бойынша Қазақстан тарихындағы тұңғыш олимпиада чемпионы Дмитрий Баландин бақ сынады,-деп хабарлайды Olympic.kz сайты. 

Отандасымыз Дмитрий Баландин 100 метр қашықтыққа (59,36) кеуде соққысымен жүзіп өтіп алтын медальды қанжығасына байлаған. 

59.54 көрсеткішпен америкалық жүзуші Андрю Уилссон екінші орынды иеленді. Үшінші орынды Коди Миллер қанағат тұтты. Нәтижесі 59.92 болды.