8 жастағы қыз қан жылап жүр

8 жастағы қыз өте сирек кездесетін дертке шалдықты. Ол Үндістанның Трипура штатында тұрады. Кішкентай қыздың көзінен жастың орнына қан шыға бастады, деп хабарлайды The Sun-ға сілтеме жасаған Skifnews.kz ақпарат порталы.

Сегіз жасар Чвнгсаса Деббармада сырқаттың белгілері сәуір айында байқала бастапты. Сол кезден бастап құлағы мен мұрнынан қан кеткен. Кейін қолы, аяғы мен бетінен қан шыға бастады.

Дәрігерлер қыздың сирек кездесетін гематогидроз дертіне шалдыққанын айтып отыр. Алайда, бұл нақты диагноз емес. Әлі қосымша тексеріс жүргізу жоспарланған. Дәрігерлер берген дәріден кейін қыздың жағдайы біршама жақсарды.

Алайда, біраз уақыттан соң қыздың ерні, тілі, маңдайы, қолы, саусақтарынан тағы да қан шыға бастады. Деббарманың жағдайы қиындап кетті.

Қыз штаттағы бірнеше аурухананың мамандарына барды. Бірақ, оған ешкім көмектесе алар емес.

Гематогидроз — науқастың терісі арқылы қан шығатын ауру. Ол он миллионның арасында бір адамда кездеседі. Әдетте қан өзінен-өзі тоқтайды. Дәрігерлер бұл дерттің пайда болу себебін нақты айта алмай отыр.