$ 439.43  473.31  4.82

«Арқасы түгелдей кір, қан болды»: CІМ дипломаттың өліміне қатысты жантүршігерлік деректерді жоққа шығарды

"Бұл шындыққа жанаспайды. Дипломаттың мойнында жіп болды. Денесінде жарақаттар болған жоқ, аяқ-қолы байланбаған болды. Бұған оқиға орнынан түсірілген фото мен видеоматериалдар дәлел", - деді Смадияров.
фото: Еламан Жолдасов
фото: Еламан Жолдасов

Еламан Жолдасов Қазақстанның Сыртқы істер министрлігінің ресми өкілі Айбек Смадияров Мысырда өлі табылған елшілік қызметкерінің аяқ-қолы байланған күйі табылғаны жайлы мәліметті жоққа шығарды, деп хабарлайды Tengrinews.kz.

"2019 жылдың 19 желтоқсанында сағат 11.15-те Мысырдағы елшілік қызметкері Еламан Жолдасовтың әйелі күйеуін пәтер есігінің алдында өлі күйде тапты. Бұл туралы ол бірінші кезекте елшіліктегілерге айтты.

Дипломаттар пәтерге 5-7 минут ішінде келіп, қажетті шаралардың барлығын қолданды. Оқиға орнына жедел жәрдем қызметі, полиция жасағы, прокуратура мен криминалдық полициядан құралған тергеу тобы келді", - деді Смадияров. 

Ол қайтыс болған дипломаттың әпкесі Гүлнар Пернебекованың бауырының арқасы түгелдей қан болғаны және аяқ-қолы байланған күйде табылғаны жайлы айтқанын жоққа шығарды. 

"Бұл шындыққа жанаспайды. Дипломаттың мойнында жіп болды. Денесінде жарақаттар болған жоқ, аяқ-қолы байланбаған болды. Бұған оқиға орнынан түсірілген фото мен видеоматериалдар дәлел", - деді Смадияров. 

СІМ ресми өкілі Қазақстанның СІМ қызметкерлерінің 15 желтоқсанда Каирге қызметтік тергеу жүргізуге кеткенін хабарлады. Қазіргі уақытта Мысыр прокуратурасы осы істің мән-жайын анықтап жатыр.

"Тергеу аясында сот-медициналық сараптама жүргізілді, нәтижелері таяуда жолданады. ҚР СІМ өкілдері Қазақстанда тағы да сот-медициналық сараптама жүргізетін болды. СІМ ұжымы әріптесінің өліміне көңіл айтады. Бұл біз үшін үлкен соққы болды. Еламан Жолдасов жақсы адам болатын, өз ісінің маманы. Мысыр БАҚ-тарында ол туралы көп айтатын. Сұхбаттар беретін", - деп атап өтті Смадияров. 

Еске салайық, 17 желтоқсанда Қазақстанның Мысырдағы елшілігінің қызметкерінің мәйіті табылғаны хабарланған болатын. Оның туысы Гүлнара Пернебекованың айтуынша, оқиға 13 желтоқсанда болған. Еламан Жолдасов өз үйінің кіреберісінде өлі табылған.

"Ол кіреберісте жатты. Біз оның қолдарының артына байланғанын естідік. Арқасы түгелдей кір, қан болды. Демек, оны жер бетінде сүйреген. Мойнында жіп болды", - деген еді Пернебекова.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары