Динара Сәдуақасова әлемнің үздік 10 шахматшы әйелінің қатарына енді, деп хабарлайды ҚазАқпарат Қазақстанның шахмат федерациясына сілтеме жасап.
Танымал шахматшы қыз Динара Сәдуақасова 2700chess.com онлайн рейтингісі бойынша әлемнің топ-10 үздік шахматшы әйелдің қатарына енді.
Ол Шахматтан әлем чемпионы, ресейлік гроссмейстер Александра Костенюкті, Блицтен әлем чемпионы, грузиялық гроссмейстер Нана Дзагнидзені артқа қалдырды.
«Мен әлемдегі 9-шахматшымын», деп жазды Динара Сәдуақасова желідегі парақшасында.
Еске сала кетсек, 23 жастағы Динара Сәдуақасова Қазақстанның әйелдер құрамасының көшбасшысы.
Елордалық шахматшы қыз 2019 жылы Азия чемпионы атанды, Grand Swiss турнирінің жеңімпазы, сондай-ақ Эло рейтіингінде 2500 ұпайдан көп алған алғашқы қазақстандық шахматшы.