Нұр-Сұлтанда бір көшеде орналасқан ескі үйлер сүріледі

Сонымен қатар, бұл көшеге мектеп, балабақша және ойын алаңдарын салу жоспарланып отыр.

Елордада Алаш тас жолынан бастап, Асан Қайғы көшесіне дейінгі аралықта орналасқан ескі үйлер бұзылады, деп хабарлайды 24kz-ке сілтеме жасаған Skifnews.kz ақпарат порталы.

Бірақ тұрғындар үйлерімен қоштасуға әлі дайын емес.

Құрылысшылар елорданың оң жағалауда орналасқан бір көшенің бүкіл үйін сүруге ниетті.

«Бүгінде осы көшеде астана келбетіне сәйкес келмейтін тозығы жеткен үйлер бар», - деді «Астанагенплан» цехының жетекшісі Данил Гарифуллин.

Үйлерді бұзу Асан Қайғы көшесі мен Алаш тас жолынан басталады. Бұл аумаққа миллион шаршы метрден астам тұрғын үй және 390 мың шаршы метр коммерциялық сауда орындарын салуға болады.

Сонымен қатар, бұл көшеге мектеп, балабақша және ойын алаңдарын салу жоспарланып отыр. Бірақ осы аудандардың тұрғындары риза емес сияқты.

«Бізге үйдің айналасынан ештеңе салуға рұқсат жоқ. Қызыл линия қойып қойған. Әкімдіктің тек «күтіңдер» дегеннен басқа айтары жоқ. Күтіп келе жатқанымызға 14 жыл болды », - деп шағымданды елорда тұрғыны Серік Оразақов.

Сонымен қатар, «Астанагенплан» мамандарының мәлімдемесіне сәйкес, олар жер учаскелерін сатып алып жатыр. Көп ұзамай бірқабатты үйлер жойылады. Осы қарқынмен жалғастырсақ, бірнеше жылдан кейін Нұр-Сұлтанда бірде-бір жеке үй болмайды деп болжауға болады.