Жаңалықтар 11.01.2020 сағат 23:11

12 жастағы бозбала техника жөндеп, тапқанын әкесінің еміне жұмсап жүр

Ауыл тұрғындары бұзылып қалған теледидарлары мен тоңазытқыштарын, қалта телефондарын да жөндетіп алады екен.
12 жастағы бозбала техника жөндеп, тапқанын әкесінің еміне жұмсап жүр
Бөлісу
Бөлісу
Бөлісу

Қарағанды облысында 12 жастағы бала тұрмыстық техникаларды жөндейді. Тапқан қаржысын жарымжан әкесінің еміне жинап жүр. Нұра ауданының Қараой ауылында тұратын Нұрасыл теледидар, компьютер, тіпті ұялы телефонды да жөндей алады, деп жазады Астана арнасына сілтеме жасаған Skifnews.kz ақпарат порталы.

Нұрасыл техникаға ерте әуестеніпті. Жастайынан сал ауруына шалдыққан әкесіне қолғабыс жасап жүріп, электрониканың тілін меңгеріп алған. Ауыл тұрғындары бұзылып қалған теледидарлары мен тоңазытқыштарын, қалта телефондарын да жөндетіп алады екен.

Әкесі ауыр сырқатына қарамастан үйден шеберхана ашып, отбасын асырап келген. Алайда былтыр көлік апатына түсіп, артынша қолы мүлдем икемге келмей қалыпты. Ауыртпалық отбасының үлкені 12 жастағы Нұрасылға түсті.

«Жас күнімде әкеммен бірге телевизор істеуге көмектестім. Әкем сосын жол апатына түсті, әкемнің орнына мен тұрдым. Әкемнің еміне ақша жинайын деп әкеммен бірге жұмыс істедім», -дейді шебер бала Нұрасыл Несіпбай.

Нұрасылдың өзіне де бұл жұмыс ұнайды. Соған қарамастан сабақтан тыс уақытта ғана айналысатынын айтты. Ал, мүгедек әке ұлынан мұндай ерлікті күтпепті. Алғашында таң қалған. Қиындыққа мойымайтын 45 жастағы Дос Төлегенов "өзіне бала күнінде дәрігерлер ақыл-есі кем" деген диагноз қойғанын айтады. Алайда өзінің есті екенін дәлелдеу үшін еңбек етіп, отбасын құрған. Қазір 3 баласы бар.

«Төрт телевизор істеп қойыпты үйге келсем, клиенттер довольный бәрі мәз, кейбіреуі қорқады бала істеп жатыр деп. Жақсы істейді балам, қуаныштымын. Желание дейді ғой, желание болса болды ғой. Ұлымда желаниесі мықты. Интернеттен бірдеңе көреді, папа мынадай пояльник болады электрический болттарды бұрайтын дейді, алып берем бәрін»,-дейді  Қарағанды облысы Нұра ауданының тұрғыны Дос Төлегенов.

Нұрасылдың шеберлігін ауылдастарынан бөлек, көрші елді-мекен тұрғындары мойындап келеді. Оған "бұзылған техникаларын көптеп әкелуі" себеп деді. Жеткіншектің табысы да жаман емес. Шамамен 100 мың теңгеге жуық пайда табады. Табысын әкесінің еміне жұмсап жүр. Жас шебердің мақсаты - әкесін сауықтыру, ал әкесі баласының шеберханасын кеңейтуді армандайды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар