$ 443.85 € 474.3 ₽ 4.8
Ауырып жатқанын айтып, мейірбикені үйіне келіп система салып беруге шақырып зорлаған күдіктіге қатысты сот үкімі шықты, деп хабарлайды Skifnews.kz ақпарат порталы, "Еуразия 1"-ге сілтеме жасап.
Бұл оқиға Шығыс Қазақстан облысының Зубаир ауылында болған.
"Ер азаматқа ҚР ҚК-нің 120 бабы 2 тармағы "Кісі өлтіру қаупі бар зорлық әрекеті" бойынша үкім шығарылды. Жаза тағайындалған кезде кішкентай балалары бар медбикенің қызмет барысында болғандығы және ер азаматтың ішімдікке тойып алғандығы есепке алынды", - деп мәлімдеді аудандық соттың баспасөз-қызметі.
Сот шешімімен кінәлі адам 8 жылға бас бостандығынан айырылды. Жәбірленушіге 2,5 миллион теңге көлемінде материалдық шығын тағайындалды.
"Сот үкімі заңды күшіне енбеді. Егер айыпталушы тарап шағымданатын болса, үкім апелляциялық инстанцияда қаралады", - дейді баспасөз-қызметі.
Естеріңізде болса, Зубаир ауылында 10 жылдан бері мейірбике болып істейтін келіншекті ауылдасы үйіне шақырып, ішіп алып зорлағаны туралы ақпарат жариялаған болатынбыз.
