$ 443.85 € 474.3 ₽ 4.8
Нұр-Сұлтан әкімдігі тұрғындарды боран соғуына байланысты үйден шықпауға және қозғалысты шектеуге шақырды, деп хабарлайды, Skifnews.kz ақпарат порталы, БАҚ ақпараттарына сүйене отырып.
«Қар борап, қатты соққан жел және боран соғуына байланысты барлық техника жұмылдырылды. Қала тұрғындарын барынша үйден шықпауға, қозғалысты шектеуге шақырамыз. Бұл сізді соқтығысудан, жол апатынан аман алып қалуы мүмкін. Себебі, көру мүмкіндігі тым төмен. Біз қазір қалада жұрмыз. Қар борап тастауына байланысты кейбір желерде қозғалыс тоқтап тұр. Сол себепті, кезекші техника қойып жатырмыз. Олар жолды тазалайды. Жел қатты соғып тұр», - деді Нұр-Сұлтан әкімінің орынбасары Алтынбек Қайсағалиев.
Қазгидромет мәліметінше, алдағы үш күнде осы ауа райы сақталады екен.
Бүгінде Нұр-Сұлтан тұрғындары желіде борап тұрған қардың суреттері мен видеоларын белсенді түрде бөлісіп жатыр. Екі ауысымда да сабақ болмады. Қала тұрғындары автобустардың тұрып қалып жатқанын да айтуда. Түннен бері қалада 35 жол-көлік оқиғасы тіркелген.
Ал Түркістан облысында, керісінше, қақаған қыстың ортасында Жетісай ауданында қырыққабат пісті. Қазір Жолдасбай Ералиев елді мекеніндегі Жаңадәуір ауылының дихандары 8 гектардан 120 тонна өнім алса, оның әр гектарынан 15 тоннадан өнім берген. Қазіргі таңда бұл қырыққабаттар Жетісайдың базарларында келісі 70-80 теңгеден сатылуда.
