Жаңалықтар 29.01.2020 сағат 18:00

«Жағдай өзгеріп жатыр» - Жоғарғы сот кеңесінің төрағасы

Судьялар нақты конкурсқа сәйкес іріктеуден өтуге тиіс.
«Жағдай өзгеріп жатыр» - Жоғарғы сот кеңесінің төрағасы
Бөлісу
Бөлісу
Бөлісу

Қазақстанның Тұңғыш Президенті Жоғарғы сот кеңесінің төрағасы Талғат Донақовты қабылдады, деп хабарлайды Elbasy.kz.

Кездесу барысында Нұрсұлтан Назарбаевқа еліміздің сот жүйесін реформалау және Ұлт жоспарындағы сот кадрларын іріктеу және дайындау бойынша шараларды жүзеге асыру жөнінде ақпарат берілді.

"Жоғары сот кеңесі сот мамандарын іріктеуді іске асырады. Бұл жұмыс объективті болуы керек. Судьялар нақты конкурсқа сәйкес іріктеуден өтуге тиіс. Олар білімді, адал болуы, адамдармен жұмыс істей білуі қажет", - деді Елбасы.

Өз кезегінде Талғат Донақов судьяларды іріктеуде ашықтықты қамтамасыз ету үшін қабылданған шаралар туралы айтып берді.

"Жағдай өзгеріп жатыр. Судьяларға деген сенім артып келеді. Жұмыс барынша объективті және ашық жүргізілуде. Арнайы конкурстық комиссия құрылды. Оған судьялармен бірге, заң қауымдастығы өкілдері, HR-мамандары, тәуелсіз сарапшылар кірді. Қазіргі таңда соттарға баратын кадрлардың дайындығы жоғары, жауапкершілі мол", - деді Жоғары сот кеңесінің төрағасы.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар