Жаңалықтар 04.02.2020 сағат 11:20

Түркістан облыстық сотының судьясы заңсыз әрекетке барғаны үшін ұсталды

ҚР Қылмыстық кодексінің 366-бабы 2-бөлімі («Пара алу») бойынша сотқа дейінгі тергеу жалғасуда.
Түркістан облыстық сотының судьясы заңсыз әрекетке барғаны үшін ұсталды
Фото: Sputnik Казахстан
Бөлісу
Бөлісу
Бөлісу

Түркістан облыстық соты судьясының заңға қайшы әрекетінің жолы кесілді, деп хабарлайды Skifnews.kz ақпарат порталы Ұлттық қауіпсіздік комитетінің баспасөз қызметіне сілтеме жасап.

Ұлттық қауіпсіздік комитеті Жоғарғы соттың ішкі қауіпсіздік бөлімімен бірлесіп, Түркістан облыстық сотының қылмыстық істер жөніндегі аппеляциялық сот алқасының судьясы Әшірбек Шәріпұлы Рахымбаевтың сыбайлас жемқорлық әрекетінің жолын кесті.

«Атап айтқанда, А. Рахымбаев сотталушының жазасын жеңілдетуге заңсыз жәрдем көрсеткені үшін елеулі мөлшерде пара алған. 2020 жылғы 31 қаңтарда Түркістан қаласында А. Рахымбаев пара алу кезінде ұсталып, жасаған қылмысын толықтай мойындады» делінген хабарламада.

Пара алу фактісі сондай-ақ жасырын тергеу іс-қимыл материалдарымен дәлелденеді.

ҚР Қылмыстық кодексінің 366-бабы 2-бөлімі («Пара алу») бойынша сотқа дейінгі тергеу жалғасуда.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар