Жаңалықтар 09.02.2020 сағат 11:15

«Жергілікті билік адастырды» - Масаншыдағы оқиға куәгері Тоқаевқа дұрыс мәлімет берілмегенін айтты

"Полицияның 10-15 машинасы келді. Мұнда тәртіп орнатудың орнына олар көліктерді тоқтатып, пара ала бастады. Олар ұсақ тәртіп бұзушылық үшін 100 мың теңге сұрады. Біреудің жүргізуші куәлігі  болмай қалғаны үшін тәртіпсіздік басталды", - дейді қауымдастық басшысы.
«Жергілікті билік адастырды» - Масаншыдағы  оқиға куәгері Тоқаевқа дұрыс мәлімет берілмегенін айтты
Бөлісу
Бөлісу
Бөлісу

Тәртіп сақшылары бес сағаттан кейін Масаншы ауылында тәртіпсіздік орын алған жерге жеткен, ал облыс билігі мен жергілікті тұрғындар жиналғандарды ұстап тұруға тырысқан деп хабарлайды Stan.kz.

Масаншыдағы түнгі оқиғалар туралы «Қазақстанның Дұнған қауымдастығы» республикалық қоғамдық бірлестігінің президенті Хусей Дауров Vesti.kg-ге берген сұхбатында айтты.

Оның айтуынша, тәртіпсіздіктерден үш күн бұрын орын алған тұрмыстық жанжалдың себебі әлеуметтік желілерде бұрмаланған.

"Алғашқы жанжал үш күн бұрын қария жараланған кезде болды. Біздің ақсақалдар дереу кешірім сұрап мәселе шешілген", - дейді Хусей Дауров.

Ол полиция қызметкерлеріне шабуыл жасаған видеоға қатысты да пікір білдірді:

"Полицияның 10-15 машинасы келді. Мұнда тәртіп орнатудың орнына олар көліктерді тоқтатып, пара ала бастады. Олар ұсақ тәртіп бұзушылық үшін 100 мың теңге сұрады. Біреудің жүргізуші куәлігі  болмай қалғаны үшін тәртіпсіздік басталды", - дейді қауымдастық басшысы.

Оқиға орнына полиция қызметкерлері бес сағаттан кейін келді.

"Барлығы 7 ақпанда 18: 00-де басталды. Қаракемер ауылынан жиналғандар төрт үйді өртеді. Барлық ер адамдар жиналып, көпір үстінде тұрды. Әркім өз үйін қорғағысы келді. Көпірде мұғалімдер, имамдар болды, Жамбыл облысының әкімі Асқар Мырзахметов те болды. Бірақ біз көпшілікті ұстай алмадық. Шындығында 500-600 адам болды. Олар үйлер мен дүкендерді өртей бастады", - деп еске алады куәгер.

«Қазақстанның дұнған қауымдастығы» республикалық қоғамдық бірлестігінің президентінің айтуынша, тәртіпсіздік кезінде оны ұрып-соғып, қолын сындырған.

"Мені ұрып, есімнен таным қалдым. Оянғанымда, біреу маңдайыма мылтық тақап тұр екен. Жергілікті ақсақал оларды тоқтатып: «Сен не істеп жатырсың?» деп, тұрғындар бізді қорғауға тырысты", - дейді Хусей Дауров.

Ол Қазақстан президенті Қасым-Жомарт Тоқаевқа дұрыс мәлімет берілмегендігін айтады.

"Сағат 23:30-да ол өзінің Twitter-дегі парақшасында жағдайдың тұрақтанғаны туралы ақпарат жариялаған кезде қақтығыс керісінше күшейе түсті. Ол кезде зардап шеккендер көп болған жоқ. Оны жергілікті билік адастырды. Жаппай тәртіпсіздіктер кейінірек басталды. Егер олар екі сағат бұрын келген болса, өлім орын алмас еді. Бұл агрессия жергілікті тұрғындар мен сырттан келгендерден туындады деп санаймын. Білуімше, Шымкент, Тараз, Алматыдан адамдар болған. Арандатушылар Қаракемерде күндізгі уақыттан бастап елді дүрліктіріп жүрген", - деді Дауров.

Куәгердің айтуынша, полиция күшейтілген режимде жұмыс істесе, сегіз адамның өлімінің алдын алуға болар еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар