Жаңалықтар 10.02.2020 сағат 17:20

«Үйді заңсыз салған»: Bek Air әуе компаниясы ұшақ соғылған үйдің иесін сотқа берген

Сондай-ақ, ол ұшақ апатын тексеру бойынша құрылған комиссия мүшелері де хабарласпағанын айтады.
«Үйді заңсыз салған»: Bek Air әуе компаниясы ұшақ соғылған үйдің иесін сотқа берген
Бөлісу
Бөлісу
Бөлісу

Bek Air әуекомпаниясы ұшақ соғылған үй иесі Решат Қалибекті сотқа берген, деп мәлімдеді BAQ.KZ.

Решаттың айтуынша, осыдан бір апта бұрын оған ақпанның 21 күні сағат 10.00 сот болады деген шақырту келген.  

Адвокат ештеңе жалдаған жоқпын, тек заңгермен кеңесу үстіндемін. Заңгер менің түк кінәм жоқтығын, керісінше құжатты жасаған адамдар жауапты екенін айтуда. Мені емес, соларды сотқа беру керек еді дейді, - деді ол. 

Сондай-ақ, ол ұшақ апатын тексеру бойынша құрылған комиссия мүшелері де хабарласпағанын айтады.

Бастапқыда аудан әкімдігі "комиссия келеді, бәрі дұрыс болады" деген. Әзірге комиссиядан ешкім хабарласпады. Тек тергеушілер шақырды, барып сұрақтарына жауап бердім. Негізінен жердің құжаты бойынша сұрады. Кімдер жасады, қай жылы алдың деген тұрғыда, - дейді Решат Қалибек. 

Сонымен қатар, ол сотқа шақырту қағазын алғанда, түсінбей абдырап қалғанын айтады.

Заңгердің айтуынша, мені жауапкер ретінде тартып, "үйді заңсыз салған" деген сылтаумен өтемақы төлемей жалтарып кетпек. Бұл әкімдікке де, Bek Air компаниясына да тиімді көрінеді, - дейді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар