Жаңалықтар 14.03.2020 сағат 08:00

«Кешірім сұраймын»: коронавирусқа қатысты жалған ақпарат таратқан әйел бірнеше жылға сотталуы мүмкін

Жатақханадан студенттерді шығарып, бос орындарды карантинге алғандарға дайындап жатқанын көзімен көргенін де айтқан.
«Кешірім сұраймын»: коронавирусқа қатысты жалған ақпарат таратқан әйел бірнеше жылға сотталуы мүмкін
Бөлісу
Бөлісу
Бөлісу

Балқашта коронавирус жайлы жалған ақпарат таратқан тұрғынға қатысты қылмыстық іс қозғалды. Қала тұрғыны медициналық колледждің жатақханасын "кесел жұқтырған" 300 адам орналастырылатыны жайлы ватсап желісі арқылы айтқан, деп мәлімдеді КТК арнасына сілтеме жасаған Skifnews.kz ақпарат порталы.

"Қазір коронавирус күдігі бар 300 адамды осында әкелгелі жатыр. Бұл жер шағын, кішкентай, қырылып қалса, ешкім білмейді, ешкімнің ештеңесі кетпейді депті", - делінген аудио хабарламада.

Бұл ақпаратты қала тұрғыны колледжде оқитын қызын алып кетуге барғанда естіпті-мыс. Жатақханадан студенттерді шығарып, бос орындарды карантинге алғандарға дайындап жатқанын көзімен көргенін де айтқан. Аталған ақпарат желіде желдей есіп, онсыз да үрей құшағында жүрген жұрттың есін алды. Полиция ақпарат таратушы тұрғынды оңай анықтап, қылмыстық іс қозғады. Енді ол ірі көлемде айыппұл арқалауы немесе 3 жылға дейін бас бостандығынан айрылуы мүмкін. Қала тұрғыны болса, шындыққа жанаспайтын ақпаратты ойдан құрастырғанын айтып ағынан жарылып отыр.

"Ақпарат расталмады. Мен өсек-аяңға сеніп, қорқынышқа бой алдырғандықтан, бұл ақпаратты бүкіл елге жайдым. Осы әрекетім үшін кешірім сұраймын", - деп жылады ол.
 

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар